بغلان ولایت کې د غصب شوو ځمکو د سندونو د بررسۍ په منظور د یو هیئت جوړیدل
د بغلان ولایت والي مولوي سمیع الله حزب الله د ربیع الاول میاشت په ۲۲ نېټه د سه شنبې په ورځ په دغه ولایت کې د غصب شوو ځمکو د سندونو د بررسۍ په منظور یو څلور کسیز هیئت تعیین کړ.
د دغه هیئت مشرۍ د عدليې رییس پر غاړه لري او په ترکیب کې یې د بغلان ولایت د مقام، امنیه قوماندانۍ، د کرنې ریاست او د دغه ولایت د عدليې ریاست استازي شامل دي.
دغه هیئت دنده لري چې له غاصبینو څخه د غصب شوو ځمکو سندونو او مدارک وغواړي او بررسي یې کړي او د مدارکو په نه شتون سره به د هغوی دفترونه مهرلاک کړي او هغوی به دقانون او شریعت منګولو ته وسپاري.
