په پکتیا ولایت کې د یو شمېر موټر پلورنځيو له فعالیت څخه نظارت ترسره شو
د پکتیا ولایت د عدلیې ریاست په مشرتابه ګډ نظارتي پلاوي د جمادیالأولی د میاشتې په ۲۰مه نېټه د سه شنبې په ورځ د یاد ولایت په مرکز، ګردیز ښار کې له یو شمېر موټر پلورنځیو څخه نظارت ترسره کړ.
یاد پلاوی چې د عدلیې ریاست، د ولایت مقام، امنیې قوماندانۍ، استخباراتو او د فرمانونو او حکمونو د نظارت او تقعیب ریاست استازي په کې شامل وو، د ۷ موټرپلورنځیو د فعالیت جوازونه، د ثبت کتابونه، د پېر او پلور قانونيتوب، رسمي سټې او یو شمېر نور اړين اسناد بررسي کړل.
نظارتي پلاوي د یادو موټر پلورنځيو په کاري چارو کې یو شمېر نيمګړتياوې او ستونزې مشخصې کړې او یاد د ستونزو د لرې کولو او د کاري چارو ښهوالي په موخه د هغو متصديانو ته لازمې توصیې وکړې.
عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
