د بغلان ولایت د ځمکو له غصب څخه د مخنیوي تخنیکي هیئت ناسته جوړه شوه
د بغلان ولایت د ځمکو له غصب څخه د مخنیوي تخنیکي هیئت ناسته د ذوالقعدې د میاشتې په ۲ مه نېټه د چهارشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د مرکزي بغلان ولسوالۍ د همتخېلو کلي اړوند د یو زرو شپږ شپېته (۱۰۶۶) جریبه غصب شوې ځمکې دوسیه بررسي شوه.
هيئت پرېکړه وکړه چې د یادې ځمکې په اړه د اراضۍ چارو ریاست ته راپور وړاندې شي او همداراز، په یاده ساحه کې د هر ډول نويو تصرفاتو د مخنيوي په برخه کې اقدام ترسره شي.
همدارنګه په دې ناسته کې د بغلان ولایت د بېلابېلو سیمو د غصب شويو ځمکو اړوند یو شمېر نورې دوسیې هم وڅېړل شوې او په اړه یې لازم تصمیمونه ونیول شول.
