په جوزجان ولایت کې د څه باندې ۱۱ زره جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د ذیالحجې د میاشتې په ۲۱مه نېټه د چهارشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې، د مرکز اړوند په شور آریغ کلي کې د شپږزره څلور سوه شپږ پنځوس (۶۴۵۶) جریبه ځمکې او په صوفي قلعه کلي کې د څلور زره اوه سوه شپږ ويشت (۴۷۲۶) جریبه ځمکو دوسیې تر بررسي لاندې ونيول شوې.
هئيت پرېکړه وکړه چې د يادو ځمکو دوسیې دې بشپړې او د وروستۍ پرېکړې په موخه مرکزي کمېسيون ته واستول شي.
همدارنګه، په یاده ناسته کې د جوزجان ولایت د بېلابېلو ساحو د غصب شویو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
