د بادغیس د عدلیي ریاست کارمندانو لپاره زده کړه ییزه برنامه جوړول

hayat_admin
یکشنبه ۱۴۰۲/۱۲/۶ - ۱۳:۴۳

د عدلیې وزارت د بشري سرچینو ریاست د بادغیس ولایت د عدلیې ریاست کارمندانو لپاره «د امارت د قضایاو مسلکي او اداري زده کړې» تر سرلیک لاندې شپږ ورځنۍ زده کړه ییزه برنامه د یاد ریاست په مقر کې جوړه کړه.

د یادې زده کړه ییزې برنامې پرانیسته کې چې د شعبان د میاشتې په ۱۳ نېټه د شنبې په ورځ جوړه شوه، د بادغیس ولایت د عدلیې رئیس ملا عبدالرزاق مرزوقي، د عدلیې وزارت د بشري سرچینو ریاست د زده کړو او ظرفیت لوړولو آمر مفتي احمد ضیا خبیب، ښوونکو او نورو مسؤولینو حضور درلود.

د بادغیس ولایت د عدلیې رئیس د خپلې وینا په ترڅ کې، د ادارې مسلکي کولو په برخه کې د دغه راز برنامو جوړول مهم وبلل او خلکو ته د غوره خدماتو په وړاندې کولو او د اسلامي امارت د کارمندانو په امانت دارۍ یې ټینګار وکړ.

له بلې خوا د عدلیې وزارت د بشري سرچینو ریاست د زده کړو او ظرفیت لوړولو آمر هم په دې برنامه کې د زده کړه ییزو برنامو د اغیزمنتوب، ګټورتوب او اهمیت په تړاو خبرې وکړې. نوموړي له ګډونوالو څخه وغوښتل چې د دغې برنامې زده کړې په دوامداره توګه تعقیب کړي او د برنامې له پای څخه وروسته، په خپلو کاري چارو کې ورځني ګټه پورته کړي.

په دې زده کړه ییزې برنامه کې چې تر شپږو ورځو پورې دوام لري، د بادغیس ولایت د عدلیې ریاست ۲۰ تنو مسلکي کارمندانو لپاره د ځمکو له غصب سره د مبارزې د حل لارو، د ځمکو د غصب د مخنیوي قانون، دعوا او د هغې ډولونو، اداري مرسلاتو او پلان جوړونې په هکله به لازمې زده کړې وړاندې شي.

تازه خبرونه

سه‌شنبه ۱۴۰۴/۴/۱۰ - ۱۱:۴۲
Background image

په باميان ولایت کې د کابو ۴۸۰۰ جریبه ځمکې بررسي کېدل

 د باميان ولایت د ځمکو له غصب څخه د مخنيوي تخنيکي هيئت ناسته، د محرم‌الحرام د مياشتې په ۴مه نېټه د دوشنبې په ورځ، د یاد هيئت د رئيس او غړو په ګډون جوړه شوه.
د تخنيکي هيئت په دې ناسته کې. . .

سه‌شنبه ۱۴۰۴/۴/۱۰ - ۱۱:۳۲
Background image

په کندز ولايت کې د ۲۰۰ جریبه امارتي ځمکې تشخیص کېدل

 د کندز ولایت د ځمکو له غصب څخه د مخنيوي تخنيکي هيئت ناسته د محرم‌الحرام د مياشتې په ۳مه نېټه د یکشنبې په ورځ، د ياد هيئت د رئيس او غړو په ګډون جوړه کړه.
تخيکي هيئت په دې ناسته کې په. . .

سه‌شنبه ۱۴۰۴/۴/۱۰ - ۱۱:۱۸
Background image

په بلخ ولایت کې د ۱۶۵۴ جریبه ځمکو د دوسیو بررسي کېدل

 د بلخ ولایت د ځمکو له غصب څخه د مخنیوي تخنیکي هیئت ناسته د محرم‌الحرام د مياشتې په ۳ مه نېټه د یکشنبې په ورځ، د یاد هیئت رئیس او غړو په ګډون جوړه شوه.
په دې ناسته کې د چمتال ولسوالۍ. . .

BACK TO NEWS