په ارزګان ولایت کې تر بررسۍ لاندې پر یو شمېر ځمکو د نويو تصرفاتو مخه ونيول شوه
د ارزګان ولایت د ځمکو له غصب څخه د مخنیوي تخنیکي هیئت د جمادیالأولی د مياشتې په ۲۷ مه نېټه د سهشنبې په ورځ، د غصب شویو ځمکو د بررسۍ په موخه د یاد ولایت د مرکز، ترينکوټ ښار اړوند سرخ مرغاب شاه ظفر ساحې ته ولاړ او یادې ځمکې یې له نږدې بررسي کړې.
تخنيکي هيئت د دغې لیدنې په ترڅ کې په یاده ساحه کې پر ۱۲۹۸ جریبه ځمکه چې دوسیې یې د غصب شویو امارتي، عامه مرعی او وقفي ځمکو قضیو ته د رسیدګۍ اختصاصي محکمې تر بررسۍ لاندې ده د نوي تصرفاتو مخه ونيوله او د یادې ځمکې پر متصرفينو یې ټینګار وکړ چې د یادې محمکې تر وروستۍ پرېکړې پورې دې له نويو تصرفاتو څخه ډډه وکړي.
