د پکتیا ولایت د عدلیې ریاست زلزلهځپلو لپاره د مرستو راټولولو په موخه له خیریه بنسټونو او اتحادیو سره د همغږۍ ناسته وکړه
د پکتیا ولایت عدلیې ریاست د ربیعالاول د میاشتې په ۹مه نېټه د سهشنبې په ورځ د هېواد په ختیځ کې د وروستۍ زلزلې له کبله د زیانمنو شویو کورنیو لپاره د مرستو راټولولو په موخه د یاد ولایت د خیریه بنسټونو او اتحادیو له یو شمېر مسؤولینو سره د همغږۍ ناسته وکړه.
د عدلیې رئیس، مولوي فاتحالله فاتح په دې ناسته کې وویل چې افغانان د یو بل وروڼه دي او په هر ډول شرایطو کې باید یو له بله ملاتړ وکړي.
نوموړي زیاته کړه، چې د ختیځو ولایتونو زلزلهځپلو ته سخت مالي او ځاني زیانونه اوښتي او دا د خیریه بنسټونو، اتحادیو، شتمنو خلکو او نورو مرستندویه نهادونو انساني او اسلامي مسؤولیت دی چې په داسي ستونزمنو شرایطو کې له هغوی سره هر اړخیزې مرستې وکړي.
همداراز، په دې ناسته کې د پکتیا ولایت د خیریه بنسټونو او اتحادیو مسؤولینو ژمنه وکړه چې د زلزلې له امله زیانمنو شویو کورنیو سره عاجلې مرستې کوي، تر څو د هغوی ستونزې تر یوه حده راکمې شي.
