په هرات ولایت کې د یو شمېر اتحاديو له دفترونو څخه نظارت ترسره شو
د هرات ولایت د عدلیې ریاست نظارتي پلاوي د محرمالحرام د میاشتې په ۲۷مه نېټه د چهارشنبې په ورځ په دغه ولایت کې د یو شمېر اتحاديو له دفترونو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دفترونو اړوند د فعاليت جوازونه، رسمي مهرونه، مالي راپورونه او له یو شمېر نورو موضوعاتو څخه نظارت ترسره کړ.
د دغه نظارت په ترڅ کې د یادو دفترونو یو شمېر نيمګړتياوې مشخصې شوې او مسؤولينو ته یې توصيه وشوه چې خپلې موجودې ستونزې او نيمګړتياوې حل کړي.
همدارنګه یاد هئيت د یادو دفترونو له متصديانو څخه غوښتنه وکړه چې خپل راپورونه پر وخت له عدلیې رياست سره شريک کړي.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
