د بغلان ولایت د عدلیې او کرنې رياستونو ترمنځ د همغږۍ ناسته جوړه شوه
د بغلان ولایت د عدلیې ریاست او د کرنې رياست ترمنځ د همغږۍ ناسته د روژې د میاشتې په ۲۶ نېټه د دواړه ریاستونو د رئیسانو او نورو مسؤولینو په ګډون د عدليې رياست په مقر کې جوړه شوه.
په دې ناسته کې د عدلیې رئيس مولوي امر الله مصلح، د يادو دواړو ادارو تر منځ یو شمېر ستونزې د کرنې ریاست له مسؤولینو سره شریک کړې او د حل په برخه کې یې له هغوی څخه د همکارۍ غوښتنه وکړه.
له بلې خوا د بغلان د کرنې رئیس له عدلیې ریاست د همکارۍ ډاډ ورکړ.
همدارنګه، په دې ناسته کې مولوي امر الله مصلح د ځمکو د غصب اړوند يو شمېر موضوعاتو په اړه هم خبرې وکړې او زياته يې کړه چې د امارتي ځمکو د تشخيص په موخه لا زياتي هځې ترسره شي.
