په سرپل ولایت کې د څه باندې ۳۳۳۵ جریبه امارتي ځمکې تشخیص
د سرپل ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۲۴ مه نېته، د دوشنبې په ورځ، د هيئت د رئيس او غړو په ګډون جوړه شوه.
تخنيکي هيئت په دې ناسته کې، د الجهاد ولسوالۍ په نيمدان او مجر ساحو کې د څه باندې درې زره درې سوه پنځه دېرش (۳۳۳۵) جريبه ځمکو دوسيې تر بحث او بررسۍ لاندې ونيولې او په ترڅ کې یې یادې ځمکې امارتي تشخيص کړې.
هيئت پرېکړه وکړه چې د یادو ځمکو دوسیه دې د وروستۍ پرېکړې په موخه مرکزي کمېسيون ته واستول شي.
همدارنګه په ياده ناسته کې د سرپل ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
