د پکتیا ولایت عدلیې رئيس د یاد ولایت د خیریه بنسټونو له یو شمېر مسؤولینو سره وکتل
د پکتیا ولایت د عدلیې رئيس مولوي فاتح الله فاتح د روژې د مياشتې په ۱۲ مه نېټه د چهارشنبې په روځ، د یاد ولایت د خيریه بنسټونو له یو شمېر مسؤولينو سره د یاد رياست په مقر کې وکتل.
په دې کتنه کې د عدلیې رئيس ټینګار وکړ چې د خيريه بنسټونو مسؤولين دې په خپلو کاري اجراآتو کې له خلکو سره ښه چلند وکړي او مرستې ته دې په اړمنو او مستحقو کسانو وويشي.
همدارنګه، په دې کتنه کې د خیريه بنسټونو مسؤولینو خپلې ستونزې او غوښتنې شرېکې کړې چې د عدلیې ریاست یې د حل په برخه کې هغوی ته ډاډ ورکړ.
