په سمنګان ولایت کې د څه باندې ۱۸ زره جریبه امارتي ځمکې تثبیت
د سمنګان ولایت د ځمکو له غصب څخه د مخنیوي تخنیکي هیئت ناسته د شعبان د مياشتې په ۲۷ مه نېټه، د چهارشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د حضرت سلطان ولسوالۍ په ګبرچه او جرنپیتو ساحو کې د څه باندې اتلس زره درې سوه (۱۸۳۰۰) جریبه ځمکې په اړه بحث وشو چې په ترڅ کې یې یاده ځمکه امارتي تثبيت او تشخيص شوه او په هکله یې لازمه پرېکړه وشوه.
همدارنګه په ياده ناسته کې د سمنګان ولایت په نورو ساحو کې د غصب شويو ځمکو اړوند یو شمېر دوسیې بررسي شوې او په اړه یې لازم تصاميم ونيول شول.
