د عدلیې وزارت د انسجام عمومي ریاست او د کابل ښار د زرګرانو اتحاديې مسؤولينو ترمنځ د همغږۍ ناسته جوړه شوه
د عدلیې وزارت د انسجام ریاست عمومي رئيس مفتي احمد ضياء خبیب د رجب المرجب د مياشتې په ۲۸ نېټه د چهارشنبې په ورځ، د کابل ښار د زرګرانو اتحادیې له مسؤولينو او د زرګرانو یو شمېر مارکېټونو له استازو سره د همغږۍ ناسته جوړه کړه.
په دې ناسته کې مفتي احمد ضياء خبیب د خپل خبرو په ترڅ کې ټينګار وکړ چې دعدلیې وزارت له په اساس له ټولو اتحادیو سره همکار دی او کوښښ کوي چې د هغو ټولو ستونزو ته په وخت رسېدنه وکړې.
همدارنګه، نوموړي په افغانستان کې په نړیوالو معيارونو او عيار د طلا برابرېدل، د زرګرۍ په دوکانونو کې د معاملاتي بارکود او د لایزري مهر شتون مهم وبلل او ټينګار یې وکړ چې، هيڅوک حق نهلري چې ټيټ عیار طلا په دوکان کې وساتي او د سرغړونې په صورت کې به له سرغړونکو سره قانوني چلند ترسره شي.
په دې ناسته کې د کابل ښار د زرګرانو اتحادیې رئیس د یادې اتحادیې د لاسته راوړنو په اړه معلومات وړاندې کړل او زياته یې کړې چې د اتحادیې رامنځته کېدو راهیسې د زرګرانو ګڼ شمېر ستونزې حل شوي دي.
