په ارزګان ولایت کې د څه باندې ۱۹ زره جریبه امارتي ځمکې تثبيت او تشخیص
د ارزګان ولایت د ځمکو له غصب څخه د مخنیوي تخنیکي هیئت ناسته، د رجب المرجب د میاشتې په ۸ مه نېټه د پنجشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د یاد ولایت مرکز اړوند د آب پردي کلي کې او د چورې ولسوالۍ په کوتل ساحه کې د نولس زره درې سوه (۱۹۳۰۰) جریبه ځمکو دوسیې تر بحث او بررسي لاندې ونيول شوې او په ترڅ کې یادې ساحې امارتي تثبيت او تشخیص شوې.
هيئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د ارزګان ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
