په کندز ولایت کې د غير قانوني فعاليت له امله د ۲ موټر پلورنځيو تړل کېدل
د کندز ولایت د عدلیې رياست نظارتي پلاوي، د جمادی الأولی د مياشتې په ۲۳ مه نېټه د دوشنبې په ورځ د کندز په ښار کې له ۱۰ موټر پلورنځيو څخه نظارت ترسره کړ.
د دغه نظارت په ترڅ کې، ۲ موټر پلورنځي د غيرقانوي فعاليت له امله وتړل شول او د پاتې نورو موټر پلورنځيو متصديانو ته توصیه وشوه چې خپلې شته نيمګړتياوې لرې کړي.
د کندز ولایت عدلیې رياست په دوامداره توګه په ياد ولایت له اړوندو برخو څخه بررسي او نظارت ترسره کوي تر څو د غير قانوني فعاليتونو مخه ونيول شي.
