په تخار ولایت کې د څهباندې ۱۱۰۰ جریبو ځمکو دوسیې بررسي شوې
د تخار ولایت د ځمکو له غصب څخه د مخنیوي تخنیکي هیئت په یوې ناسته کې په یاد ولایت کې د نږدې یو زرو سل (۱۱۰۰) جریبو ځمکو دوسیې تر بحث او بررسۍ لاندې ونیولې.
دا ناسته د جمادی الأولی د میاشتې په ۱۵ نېټه د یکشنبې په ورځ د یاد هیئت د رئیس او غړو په ګډون ترسره شوه او په اشکمش ولسوالۍ کې د نږدې یو سلو یوولس (۱۱۱) جریبه ځمکې، په درقد ولسوالۍ کې د نههسوه لس (۹۱۰) جریبه ځمکې، په خواجه بهاءالدین ولسوالۍ کې د څلور شپېته (۶۴) جریبه ځمکې او د تخار ولایت په بېلابېلو برخو کې د یو اندازه نورو ځمکو دوسیې بررسي شوې.
تخنیکي هیئت د یادو ځمکو په اړه پرېکړه وکړه چې د دوسیو په اړه یې لازیاتې څېړنې ترسره شي. په دې ناسته کې تخنیکي هیئت ته د خلکو یو شمېر عریضې هم بررسي شوې او په هکله یې لازم تصامیم ونیول شول.
