په کندز ولایت کې د څه باندې ۵ زره جریبه امارتي ځمکې تثبیت
د کندز ولایت د ځمکو له غصب څخه د مخنیوي تخنیکي هيئت ناسته، د جمادي الاول د مياشتې په لومړۍ نېټه د یکشنبې په ورځ، د ياد هيئت د رئيس او غړو په ګډون ترسره شوه.
د تخنيکي هيئت په دې ناسته کې د ياد ولایت د امام صاحب ولسوالۍ اړوند په قره کوترمه ساحه کې د پنځهزره (۵۰۰۰) جریبه ځمکې موضوع په اړه بحث وشو.
تخنيکي هیئت د یادي ځمکې د متصرفينو د اعتراف په اساس، هغه امارتي تثبیت کړه او پرېکړه یې وکړه چې، دا ځمکه دې استرداد او د ځمکو په بانک کې دې ثبت شي.
همدارنګه، په ياده ناسته کې د کندز ولایت په بېلابېلو ساحو کې د شپږ اويا (۷۶) جريبو نورو ځمکو دوسیې بررسي شوې او په اړه یې لازم تصامیم ونیول شول.
