په نیمروز ولايت کې د غیرقانوني فعالیت له امله د معاملاتو لارښوونې د ۷ دفترونو تړل کېدل
د نیمروز ولایت د عدلیې ریاست نظارتي پلاوي، د ربیع الثاني د میاشتې په ۲۶ مه نېټه د سه شنبې په ورځ، په یاد ولایت کې، د معاملاتو لارښوونې له ۲۸ دفترونو څخه نظارت ترسره کړ او د هغو فعالیتونه یې بررسي کړل.
د دغه نظارت او بررسۍ په ترڅ کې ، د معاملاتو لارښوونې ۷ دفترونه د غیر قانوني فعالیت له کبله وتړل شول او د پاتې نورو، د معاملاتو لارښوونو دفترونو متصدیانو ته د شته نيمګړتياوې د اصلاح او د کاري چارو ښهوالي په موخه لازمې توصیې وشوې.
د نيمروز ولایت، عدلیې رياست په دوامداره توګه په یاد ولایت کې د معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
