په پکتیا ولايت کې له یو شمېر موټر پلورنځيو څخه نظارت کېدل
د پکتیا ولایت د عدلیې رياست نظارتي پلاوي، د ربیع الثاني د مياشتې په ۱۳ مه نېټه د چهارشنبې په ورځ د مرکز ګردیز ښار اړوند له ۱۰ موټر پلورنځيو څخه نظارت ترسره کړ.
د دغه نظارت په ترڅ کې د موټر پلورنځيو متصديانو ته د سټو او د ثبت د نويو کتابونو او د جعلي سټو له ګټې اخیستنې څخه د ډډې کولو په اړه لازم معلومات وړاندې شول او همدرانګه د شته نيمګړتياو د اصلاح او د کاري چارو ښه پرمخ وړلو په اړه لازمې توصیې وشوې.
د پکتیا ولایت عدلیې رياست په یاد ولایت کې له موټر پلورنځيو په دوامداره توګه نظارت ترسره کوي تر څو د غير قانوني فعاليتونو مخه ونیسي.
