په ننګرهار ولایت کې له یو شمېر دارالوکالو څخه نظارت ترسره شو
د ننګرهار ولایت د عدلیې ریاست نظارتي پلاوي د ربیع الاول د میاشتې په ۱۵ مه نېټه د چهارشنبې په ورځ، د یاد ولایت د مرکز، جلال اباد ښار په څلورمه ناحیه کې، له یو شمېر دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
یاد پلاوي، د یادو دارالوکالو نیمګړتیاوې مشخصې کړې او د لرې کولو په هکله یې د هغو متصدیانو ته لازمې توصیې وکړې.
په ورته مهال، نظارتي پلاوي د دارالوکالو د متصدیانو وړاندیزونه، ستونزې او کاري ننګونې هم واورېدې او د حل په برخه کې یې هغوی ته ډاډ ورکړ.
