د ننګرهار ولایت عدلیې رئيس د یاد ولایت د دوو ولسوالیو له مسؤولينو سره وکتل
د ننګرهار ولايت عدلیې رئيس مولوي محمد رئیس محمدي او له هغه سره مل پلاوي د صفرالمظفر د مياشتې په ۲۳ نېټه د سه شنبې په ورځ د یاد ولایت دره نور او کوزکنړ ولسواليو ته ولاړ او د یادو ولسوالیو له ولسوالانو او سیمه ییزو مسؤولينو سره وکتل.
د یادو کتنو په ترڅ کې د عدلیې رئيس د یو شمېر اړوندو موضوعاتو په اړه خبرې وکړې او د ځمکو د غصب د مخنيوي په برخه کې په لا زیاتې همغږۍ ټينګار وکړ.
همدارنګه د عدلیې رئیس د یادو ولسواليو د امارت قضایاو د یو شمېر اړوندو مدیرانو له شعبو څخه کتنه وکړه او د چارو د ښه والي په برخه کي مسوولانو ته لازمې توصیي وکړې.
د ننګرهار ولایت، عدلیې رياست د ښې همغږۍ، د شتنه ستونزو او د خنډونو لرې کولو په موخه د یاد ولایت له نورو مسؤولینو سره هم د همغږۍ ناستې جوړوي.
