د عدلیې وزارت کارمندانو لپاره زده کړه ییزه برنامه جوړيدل
د عدلیې وزارت د بشري سرچينو رياست د ظرفیت لوړونې آمریت د یاد وزارت د مرکزي رياستونو یو شمېر کارمندانو ته دوه ورځنۍ زده کړه ییزه برنامه جوړه کړه.
په دې برنامه کې چې د محرم الحرام د مياشتې په ۲۵ او ۲۶ مه نېټه د چهارشنبې او پنجشنبې په ورځو کې د مفاهېمې او اړيکو تر سرلیک لاندې جوړه شوه، د عدلیې وزارت له بېلابېلو مرکزي رياستونو څخه ۳۰ تنو کارمندانو ګډون درلود او د ادارې د اړيکو او مفاهېمې، د اطلاعاتو مفهوم او اهميت او ورته نورو موضوعاتو په اړه یې هر اړخيز معلومات ترلاسه کړل.
د عدلیې وزارت د بشري سرچينو ریاست د ظرفیت لوړونې آمریت د کارمندانو د ظرفیت لوړولو په موخه په دوامدراه توګه ورته برنامې جوړوي.
