په پکتیا ولایت کې د عریضه لیکنې د فعالیت د جواز له یو شمېر غوښتونکو څخه ازموینه واخیستل شوه
د پکتیا ولایت عدلیې رياست، د محرم الحرام د مياشتې په ۲۱ مه نېټه د شنبې په ورځ، په یاد ولایت کې د عریضه لیکنې د فعالیت د جواز له یو شمېر غوښتونکو څخه د ارزونې او د ازموینې اخیستو برنامه جوړه کړه.
د ازموينې په یاده برنامه کې د پکتیا ولایت عدلیې رياست، د ولایت مقام، د پکتیا پوهنتون او د اداري اصلاحاتو استازو ګډون کړی وو او د ازموينې له پروسې څخه یې څارنه کوله او په کې د عریضه لېکنې د فعالیت جواز غوښتونکو ۱۰ تنو په کې برخه اخيستې وه.
د عدلیې وزارت په هېواد کې وخت په وخت د عریضه لیکنې د جواز له غوښتونکو څخه ازموينه اخلي، ترڅو وړ او با استعداد کسانو ته په قانوني او اصولي ډول جواز وویشل شي او هم د خلکو په کارونو کې آسانتياوې رامنځته شي.
