په کندز ولایت کې د ۳ دارالوکالو نظارت او بررسي کېدل
د کندز ولایت د عدلیې رياست د مدافع وکيلانو آمریت د محرم الحرام د مياشتې په ۸ مه نېټه د یکشنبې په ورځ د کندز په ښار کې د یو شمېر مدافع وکیلانو او دارالوکالو له فعالیت څخه نظارت او بررسي ترسره کړه.
د یاد نظارت او بررسۍ په ترڅ کې د مدافع وکيلانو آمریت د دارالوکالو متصديانو ته د کاري چارو ښه پر مخ وړلو په اړه لازمې توصیې وکړې او د مدافع وکيلانو د کړنلارې مطابق د فعالیت ترسره کولو په اړه ترې ژمنې واخیستل شوې.
همدارنګه د مدافع وکيلانو آمریت د لا زياتې همغږۍ او د شته ستونزو د حل په موخه هغوی ته د هر ډول همکارۍ ډاډ ورکړ.
