په ۱۰ ولایتونو کې ۱۷۰۵ تنو ته حقوقي پوهاوی وړاندې شوې
د عدلیې وزارت د حقوقي مرستو رياست، په مرکز او ولایتي امریتونو یې په ۹ نورو ولایتونو کې ۱۷۰۵ تنو ته د حقوقي پوهاوي ورکولو برنامې وړاندې کړي دي.
دغه برنامې د ذوالحجې د مياشتې په ۲۴ او ۲۵ مه نېټه د دوشنبې او سه شنبې په ورځو د مرکز په ګډون غور، پکتیا، بلخ، بادغیس، کندز، فراه، هرات، ننګرهار او باميان ولايتونو کې وړاندې شوې او په ترڅ کې یې د عدلیې وزارت د پېژندنې، د اسلام او شریعت په رڼا کې د اولادونو روزنه، د هېوادوالو د حقوقو او مکلفیتونو او د ورته نورو مهمو موضوعاتو په اړه پوهاوی ورکړل شو.
د عدلیې وزارت د کابل په ګډون د هېواد په ټولو ولایتونو کې د حقوقي پوهاوي ورکولو برنامې جوړوي او موخه یې دا ده چې خلک په خپلو حقوقو پوه شي او د خپل ورځني ژوند د حقوقي ستونزو په لرې کولو کې ورڅخه ګټه پورته کړي.
