د میدان وردک په چک ولسوالۍ کې د خپل سرو تصرفاتو مخنیوی وشو
د ميدان وردګو ولایت د ځمکو د غصب د مخنیوي تخنیکي هیئت د روژې د مياشتې په ۱۷ مه نېټه د چهارشنبې په ورځ د یاد ولایت چک ولسوالۍ ته ولاړ او د یادي ولسوالۍ له ولسوال، امنيه قوماندان او نورو مسؤلينو سره کتنه او خبرې وکړې.
تخنيکي هيئت د دې سفر په ترڅ کې د ۹۳۵ کادستري قطعې، لنګر او کلاګي ساحو کې د نويو تصرفاتو مخه ونیوله او ويجاړ یې کړل او همدارنګه متصرفين یې مشخص کړل.
همداراز ولسوال او نورو مسؤولينو ته یاده کادستري ټوټه چې څه باندې ۴ زره جربیه ده مشخصه شوه او له هغوی څخه یې وغوښتل چې په راتلونکې کې د نويو تصرفاتو په صورت کې متصرفين یې تخنيکي هيئت ته معرفي کړي.
