پنجشیر ولایت کې څه دپاسه ۱۴ جریبه غصبي ځمکه تثبیت شوه
د پنجشیر ولایت د تخنیکي هیئت رئیس او غړو د روژې د مياشتې په ۱۴ مه نېټه د یکشنبې په ورځ د غصب شویو ساحو د تثبیت او تشخیص په موخه د یاد ولایت پريان ولسوالې ته سفر وکړ.
دغه هیئت د یادې ولسوالۍ له ولسوال او نورو سیمه ییزو مسؤولینو سره وکتل او په دغه ولایت کې د ځمکو د غصب د مخنیوي د تخنیکي هیئت د جوړیدلو په اړه معلومات ورکړل او د یادې ولسوالۍ له سیمه ییزو مسؤلینو څخه یې وغوښتل چې له دغه هیئت سره همکاري وکړي.
وروسته یاد هیئت د پريان ولسوالۍ نودانک ساحې ته ولاړ او د دغي ساحې په بررسۍ سره یي ۱۴،۳۵ جریبه ځمکه غصبي تثبیت او تشخیص کړه.
