پروان ولایت کې د ۷۸ جریبه ځمکې تثبیت
د پروان ولایت د ځمکو د غصب د مخنیوي تخنیکي هیئت د جمادي الثاني د میاشتې په ۲۴ نېټه د یکشنبې په ورځ د بګرام ولسوالۍ صیادو ساحې ته په سفر سره، په دې ساحه کې ۷۷.۹۴ جریبه ځمکه تثبیت او تشخیص کړه.
یاد هیئت په دغه سفر کې د کادستر ۸۵ ټوټه چې ۷۷.۹۴ جریبه ځمکه په کې شامله ده بررسي کړه. دغه ځمکه د کادستر په سندونو کې د امارت د ملکیت په حیث ثبت ده خو اوسمهال غصب شوې او تاسیسات پرې جوړ شوي دي.
هیئت د یادې ځمکې له متصرفینو څخه د استعلام په ترڅ کې، سندونه وغوښتل.
