د عدلیي وزارت د رهبرۍ شورا د ناستې جوړیدل
د اسلامي امارت د عدلیې وزارت د رهبرۍ شورا ناسته د جمادي الثاني د میاشتې په ۲۰ نېټه د چهارشنبې په ورځ د عدليې وزارت د مسلکي معین شیخ الحدیث مولوي عبدالکریم حیدر په مشرۍ او د یاد وزارت د اداري معین مولوي عبدالغني فایق، مرکزي رئیسانو او نورو مسؤولینو په ګډون جوړه شوه.
په دغې ناسته کې د عریضه لیکنې د جواز د ویش او د عریضه لیکونکو د نظارت کړنلاره، په بېلابېلو برخو کې د جوازلیکونو او د سندونو د چاپ څرنګوالی او د عدلیې وزارت ځیني اداري موضوعات بحث او بررسۍ لاندې ونیول شول.
په یاده ناسته کې پریکړه وشوه چې د جوازلیکونو او سندونو په برخه کې د جعلکارۍ د مخنیوي او په بهادارو پاڼو کې د یادو جوازلیکونو او سندونو د چاپ په اړه لازم اجراآت ترسره شي.
په یاده ناسته کې د بحث وړ نورو موضوعاتو په اړه هم لازم تصامیم ونیول شول.
