د غور ولایت له والي سره د یاد ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي تخنیکي هیئت د جمادي الثاني د میاشتې په ۱۶ نېټه د شنبې په ورځ د یاد ولایت له والي سره یوه ناسته جوړه کړه.
په دې ناسته کې د یاد ولایت نورو سیمه ییزو مسؤولینو هم حضور درلود او په هغې کې د غور والي د یاد ولایت د تخنیکي هیئت د فعالیتونو او لاسته راوړنو په اړه معلومات وغوښتل او د پشته ګاو مرک ساحې د بررسۍ او تثبیت په تړاو چې د فیروز کوه په ختیځ کې موقعیت لري او د ځینو دولتي تاسیساتو جوړولو لپاره په پام کې نیول شوې، هغوی ته لازمې لارښوونې وکړې.
په یاده ناسته کې، تخنیکي هیئت هم د یاد هیئت د فعالیتونو او لاسته راوړنو راپور له والي او د دغه ولایت له نورو مقاماتو سره شریک کړ.
د غور ولایت والي د دغه هیئت له هڅو او لاسته راوړنو مننه او قدرداني څرګنده کړه او هغوی ته یې له خلکو سره د ښه چلند او د هغو د حق تلف کیدو د مخنیوي او نورو موضوعاتو په اړه لازمې لارښوونې وکړې.
