په بادغيس ولايت کې د ١٧٥ جریبه امارتي ځمکې استرداد
د بادغيس ولايت د ځمکو د غصب د مخنیوي د تخنیکي هیئت ناسته د جمادي الاول میاشتې په ٢٧ نېټې د دو شنبې په ورځ د ياد هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې او عریضې په کې بحث او بررسۍ لاندې ونیول شوې.
په ياده ناسته کې تخنیکي هیئت د مراجعینو په واسطې د وړاندې شويو سندونو، مدارکو او عریضو له ملاحظې څخه وروسته، د ياد ولايت د مقر ولسوالۍ په قراق شوري سیمه کې کابو ١٧٥ جریبه للمي ځمکه چې د يادې ساحې دوو تنو اوسيدونکو تر دعوا لاندې وه، د دغې ساحې د ځمکې په امارتي والي د قضیې لورو د اعتراف پر بنسټ استرداد کړه.
