په کنړ ولایت کې د نږدې ۳ جریبه غصب شوې امارتي ځمکې تثبیت او تشخیص
د کنړ ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۲۱ نېټې د سه شنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز له تخنیکي هیئت څخه یو ټیم شامکار حکیم آباد کلي ته ولاړ او غصب شوې کرنیزې ځمکې او د کادستري ټوټو پر ۲.۸۲۳ جریبه ځمکې باندې ودان شوي کورونه چې د ۱۱ تنو غاصبینو په واسطې جوړ شوي له نږدې وکتل او بررسي کړل.
یاد شوي هیئت د دغه ځمکې مساحت، کروکي، ډول، بیه او اربعه حدود تشخیص او تفکیک کړل او د هغو د غاصبینو شهرت يې په جدول کې درج کړ.
