په سمنګان ولایت کې څه باندې د ۱۳۵ جریبه امارتي ځمکې تثبیت
د سمنګان ولایت د ځمکو د غصب د مخنیوي د تخنیکي هیئت ناسته، د ربیع الاول د میاشتې په ۲۶ نېټې د چهارشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
په دغې ناسته کې، د یاد ولایت د روی دوآب ولسوالۍ د قرینک کلي او روی کلي د ځمکې دوسیه بحث او بررسۍ لاندې ونیول شوه او په پایله کې ۱۳۵.۲۶۴ جریبه امارتي ځمکه تثبیت شوه او له دغې جملې څخه د هغې ۲۸۸ متر مربع چې د مخابراتي شبکې د آنتن د دوو پایو ساحه ده، استرداد شوه.
دغه هیئت د یاد ولایت د خلم ولسوالۍ د جوی نوکر اریغ او د کل اریغ د ساحې د ۱۷۰۰۰ جریبه ځمکې دوسیه هم بررسۍ لاندې ونیوله.
