د عدلیې وزارت د مرکزي رئیسانو د اداري ناستې جوړیدل
د اسلامي امارت د عدلیې وزارت د مرکزي رئیسانو اداري ناسته، د ربیع الاول د میاشتې په ۵ نېټې د چهارشنبې په ورځ د مسلکي معین شیخ الحدیث مولوي عبدالکریم حیدر په مشرۍ او د یاد وزارت د مرکزي رئیسانو او نور مسؤلینو په ګډون جوړه شوه.
په دغې ناستې کې د یاد وزارت د بهرنیو اړیکو د ریاست د کړنلارې، د پالیسۍ او پلان د ریاست د کړنلارې او د حقوقي مساعدتونو د ریاست د کړنلارې په اړه بحث او د نظرونو تبادله ترسره شوه او په پایله کې د پالیسۍ او پلان ریاست کړنلاره تائید او تصویب شوه.
د بهرنیو اړیکو د ریاست د کړنلارې په تړاو هم پریکړه وشوه چې دغه کړنلاره له اصلاح او د اصلاحي نظریاتو له درج څخه وروسته په راتلونکې ناسته کې وړاندې شي او دغه راز د یاد وزارت د حقوقي مساعدتونو د ریاست کړنلاره د مطالعې او لا زیاتې بررسۍ په منظور د دغه وزارت تقنین ریاست ته وسپارل شوه.
