غور ولایت کې څه دپاسه ۶ جریبه ځمکه استرداد شوه
د غور ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام میاشتې په ۱ نېټه د سه شنبې په ورځ د یاد هیئت د رئیس او غړو په حضور سره جوړه شوه او هیئت هم له ځینو ساحو څخه لیدنه وکړه.
په دغې ناسته کې په نور کوه کې د ۵۱ زره او ۴۸۰ جریبه د عامه څړځای ځمکې دوسیه چې د بادګاه کلي د څو تنو اوسیدونکو تر دعوا لاندې ده، بررسي شوه او تصمیم ونیول شو چې یاد هيئت مدعی بها ساحې ته سفر وکړي.
په همدې توګه هیئت له غوڼدې څخه وروسته دولتیار ولسوالۍ ته لاړ او د یادې ولسوالۍ په ګرمابک لکه مزار کې د ۶.۱۲ جریبه اوبه درلودونکې امارتي ځمکې د تثبیت او استرداد په برخه کې چې د یادې ساحې دوه تنو اوسیدونکو په تصرف کې وه او دغه راز د یادې ولسوالۍ د تایمني بازار په شمال کې د ۴۱.۸ جریبه نورې اوبه درلودونکې امارتي ځمکې د تثبیت او بررسۍ په برخه کې چې د یو بل شخص په تصرف کې وه لازم اقدامات ترسره کړل.
