د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۳ نېټه د سه شنبې په ورځ د هیئت د رئیس او غړو په حضور سره جوړه شوه.
په یاده ناسته کې هیئت د نورکوه ساحې ځمکې په تړاو د یو شخص سندونه بررسي کړل او پریکړه وکړه چې راتلونکې ورځ له نږدې څخه له ساحې لیدنه وکړي او سندونه تطبیق کړي.
د پشته ګاومرک ځمکې موضوع چې ټاکل شوې د ټرانسپورټ ریاست له خوا په کې ترمینل جوړ شي هم بررسي شوه او هیئت له هغو اشخاصو څخه چې په یاده ساحه کې د ملکیت ادعا درلودله، سندونه وغوښتل.
هغه اشخاص چې ادعا کیږي د غور مرکز جر خشنو پورې په جر تیلک کې د کادستر په نقشه کې د شاملې للمي ځمکې ۸۷ جریبه ځمکه وېشلې ده، غونډې ته حاضر شول او هغوی ته استعلام وویشل شو ترڅو د موضوع په تړاو معلومات او سندونه وړاندې کړي.
