د بادغیس ولایت د ځمکو د غصب د مخنیوي د تخنیکي هیئت ناسته جوړه شوه
د بادغیس ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۵ نېټه د دوشنبې په ورځ د دغه هیئت د رئیس او غړو په حضور سره جوړه شوه او په کې پریکړه وشوه چې د هغو ساحو وړاندې شوي سندونه او مدارک چې ورڅخه لیدنه شوې، په بشپړ ډول بررسي شي او دغه راز د قلعه نو ولسوالۍ لامان سیمې د ځمکو غاصبینو د تعقیب په اړه لازم تصمیمونه ونیول شول.
په دغې ناسته کې، د آبکمري ولسوالۍ د بند شرم پر ساحې او دهستان، تګاب رباط ساحو او د محمد خان پر سیمې هم د افرادو او اشخاصو سندونو د تطبیق په اړه بحث وشو او دغې برخه کې لازم تصمیمونه ونیول شول.
په دغې ناسته کې پریکړه وشوه چې د اندري، بیان زایی، رحمن زایي، فرستان ها، مهمکه سنګ آتش او سرخابي قومونو لخوا وړاندې شوي سندونه او مدارک چې د یادو قومونو تر ادعا لاندې ځمکه په ګله چشمه سیمې او د مقر ولسوالۍ عامه څړځایونو ساحه کې موقعیت لري، بررسي او تطبیق شي.
د جوند ولسوالۍ د بېلابېلو ساحو د اوسیدونکو د سندونو او مدارکو د تعقیب، بررسۍ او تطبیق په اړه هم لازم تصمیم ونیول شو چې هیئت وړاندې له هغو څخه لیدنه کړې وه.
