د میدان وردک ولایت د نرخ ولسوالۍ له ځینو ساحو څخه د یاد ولایت د تخنیکي هیئت لیدنه
د میدان وردک ولایت د ځمکو د غصب د مخنیوي تخنیکي هیئت د ذوالقعدې د میاشتې په ۲۵ نېته د چهارشنبې په ورځ د دغه ولایت نرخ ولسوالۍ ته ولاړ او د یادې ولسوالۍ د دښتو سپینو ځمکو بررسي په برخه کې لازم اقدامات ترسره کړل.
په دغې ولسوالۍ کې د کادستر ۷۷۷ امارتي ټوټه چې وړاندې پرې نقشه تطبیق شوې وه، د ۵ تنو له خوا تصرف شوې او نوي تصرفات هم په کې روان وو، تخنیکي هیئت تصرفات ودرول او متصرفینو ته یې لارښوونه وکړه چې خپلې دوسیې په قانوني بڼه تعقیب کړي.
یاد شوي هیئت د مسلم کلي دښته هم بررسي کړه او پریکړه یې وکړه چې د هغې متصرفین مشخص او هغوی ته استعلامونه ورکړل شي.
یاد شوي هیئت د نرخ له ولسوال سره هم وکتل او د ځمکو د غصب د مخنیوي په اړه یې له نوموړي سره خبرې وکړې او له دغه هیئت سره د نوموړي د همکارۍ غوښتونکی شو. د نرخ ولسوال هم دغې برخه کې د هر اړخیزې همکارۍ ژمنه وکړه.
