د میدان وردک ولایت د ځمکو د غصب د مخنیوي د تخنیکي هیئت ناسته جوړه شوه
د میدان وردک ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۲ نېټه د یکشنبې په ورځ د دغه هیئت د رئیس او غړو په حضور سره جوړه شوه او د هغو ساحو په اړه چې د غیر رسمي ورځو په لړ کې تصرفات په کې ران دي، په کې بحث وشو او پریکړه وشوه چې موضوع له امنیتي ارګانونو سره شریکه شي.
په دغې ناسته کې پریکړه وشوه چې بڼونو او یا هغو کورونو کې چې په کرنیزو ځمکو تبدیلې شوي د څاه ګانو کیندل او یا نه کیندل هیئت پورې تړاو نه لري او هیئت یوازې په دښتو، لاس نه خوړل شویو سپینو او شاړو ځمکو، غونډیو او هغو ساحو کې چې وړاندې امنیتي ادارو ته ځانګړي شوي، تصرفات، پېرل او پلورل، تاسیسات جوړول او د څاګانو کیندل منع کړي دي.
دغه راز پریکړه وشوه هغو اشخاصو ته چې د دایمیرداد ولسوالۍ په کتب دښته کې د مالکیت ادعا لري، یوه میاشت وخت ورکړل شي ترڅو خپل سندونه هیئت ته حاضر کړي. د محکمې او د ولایت د والي له استازو سره د سه شنبې ورځ د هیئت د ګډې ناستې جوړولو له پاره تصمیم ونیول شو.
په دغې ناسته کې یو هیئت د نرخ ولسوالۍ د سپینو دښتو بررسۍ په منظور یو هیئت تعیین شو او په منظم ډول غونډو کې د غړو پر حضور او له غیر حاضرۍ څخه د ډډې کولو په اړه ټینګار وشو.
