د خوست ولایت تخنیکي هیئت خیرالناس کلي ته ولاړ او عملي اقدامات یې ترسره کړل
د خوست ولایت د ځمکو د غصب د مخنیوي تخنیکي هیئت د ذوالقعدې میاشت په ۵ نېټه د پنجشنبې په ورځ خیرالناس کلي ته ولاړ او د یو غاصب پواسطه جوړ شوي دیوالونه یې ویجاړ کړل.
یاد غاصب ته وړاندې لارښوونه شوې وه چې دغې ساحه کې له کار څخه ډډه وکړي خو نوموړي خپل کار ته دوام ورکړی وو. د یادو دیوالونو د ویجاړولو عملیات د ولایت د مشرتابه مقام او د امنیه قوماندانۍ د شنې قطعې په همکارۍ ترسره شول او پر یاد شوي غاصب ټینګار وشو چې راتلونکي کې له دغه راز کار څخه ډډه وکړي.
