زابل او کندهار ولایتونو ترمنځ پوله مشخصه شوه
د زابل ولایت د ځمکو د غصب د مخنیوي تخنیکي هیئت د شوال میاشت په ۲۶ نېټه د سه شنبې په ورځ د مرکزي کمېسیون د لارښوونې پر اساس د کندهار او زابل ولایتونو ترمنځ د پولې د تعیین په منظور د دغو دوو ولایتونو ترمنځ سرحدونو ته سفر وکړ.
یاد هیئت د زابل او کندهار ولایتونو له والیانو سره په کتنه کې د دغې موضوع په اړه په مفصل ډول خبرې وکړې.
دغه راز د زابل ولایت تخنیکي هیئت د کندهار ولایت له تخنیکي هیئت سره ناسته جوړه کړه او دواړو لورو د یادو شویو ولایتونو ترمنځ د پولې د تعیین په اړه خبرې وکړې.
یادو شویو هیئتونو د زابل ولایت د اطغر، شملزائي، سوري او شینکۍ ولسوالیو او د کندهار معروف او ارغستان ولسوالیو کې د داوړو ولایتونو ترمنځ پولې له جي پي اس ټکو سره سم مشخصې کړې.
