عنابې ولسوالۍ ته د پنجشیر ولایت د ځمکو د غصب د مخنیوي د تخنیکي هیئت سفر

د پنجشیر ولایت د ځمکو د غصب د مخنیوي تخنیکي هیئت د شوال میاشت په ۱۷ نېټه د یکشنبې په ورځ عنابې ولسوالۍ ته ولاړ او دغې ولسوالۍ کې یې د امارتي ځمکو د استرداد په برخه کې لازم اقدامات ترسره کړل.

یاد شوي هیئت، لومړی د دغې ولسوالۍ له ولسوال او نورو ځايي مقاماتو سره وکتل او د دغه هیئت د سفر د پلان او نورو موضوعاتو په اړه يې له هغوی سره خبرې وکړې. ورپسې هيئت ۴ ټاکل شویو ساحو ته ولاړ او عملي اجراآت یې ترسره کړل.

دغه هیئت د مختار خیل فراج په کلي کې ۱۵۶۴۰.۳ متر مربع وقفي ځمکه سکیچ او بررسي کړه او له یو شخص څخه یې چې د دغې ځمکې 2042 متر مربع ځمکه غصب کړې، قانوني او شرعي سندونه وغوښتل.

دغه راز یاد شوي هیئت د حج او اوقافو د ریاست او یو شخص تر دعوا لاندې ساحه هم بررسي کړه او له نوموړي شخص څخه يې سندونه او مدارک وغوښتل او په همدې توګه هیئت د عنابه ولسوالۍ د ملکان کلي هدیره چې ۴۹۹۶۴ متر مربع ځمکه په کې شامله ده، سکیچ او تثبیت کړه.

یاد شوي هیئت ۳۶۰۹۴ متر مربع ځمکه هم د یو شخص د ورثې د غوښتنې په اساس سکیچ کړه او له هغوی څخه یې قانوني سندونه وغوښتل.