د کندز ولایت د امام صاحب په ولسوالۍ کې د امارتي ځمکو له غصب څخه مخنیوی وشو
د کندز ولایت د کرنې ریاست مسوولینو د یاد ولایت د ځمکو د غصب د مخنیوي د تخنیکي هیئت د لارښوونې پر اساس د شیرخان بندر په چهل کپه ساحې کې او د دغه ولایت د امام صاحب د ولسوالۍ د چموس کول ځنګل په ساحه کې د امارتي ځمکو له غصب څخه مخنیوی وکړ.
یادې شوې ځمکې امارتي دي او یو د شمېر اشخاصو لخوا په خپل سر او غیرقانوني ډول تصرف شوې وې او هغوی پر دغو ځمکو د استوګنې د کورونو د جوړولو هوډ درلود.
یادې ساحې له غاصبو اشخاصو څخه راوګرځول شوې او دیوالونه یې ویجاړ او عاملین یې عدليې او قضايي ادارو ته معرفي شول.
