د میرویس ښارګوټي د شاوخوا له متصرفینو سره د ځمکو د غصب د مخنیوي کمېسیون د رئیس کتنه
د عدلیې وزارت سرپرست او د ځمکو د غصب د مخنیوي او د غصب شویو ځمکو د استرداد کمېسیون رئیس شیخ الحدیث مولوي عبدالحکیم شرعي د ۱۴۴۴ هجري قمري کال د روژې میاشت په ۲۰ نېټه د سه شنبې په ورځ د میرویس ښارګوټي د شاوخوا له متصرفینو سره وکتل او خبرې یې ورسره وکړې.
په دغې کتنه کې، د کابل ولایت د تخنیکي هیئت غړو هم حضور درلود او له یادو شویو متصرفینو سره یې د هغوی په تصرف کې د ځمکو په اړه په کې بحث او خبرې وشوې او له هغوی څخه يې د هغو په تصرف کې د ځمکو شرعي سندونه او قبالې وغوښتل شوې ترڅو د دغه کمېسیون لخوا بررسي شي.
د ځمکو د غصب د مخنیوي کمېسیون مشرتابه هغوی ته ډاډ ورکړ چې د هغوی موضوع په دقیق ډول بررسي شي او د هغوی حق به نه ضایع کیږي.
