کندز ولایت کې څه دپاسه ۴۲۰۰ جریبه ځمکه امارتي تثبیت شوه
د کندز ولایت د ځمکو د غصب د مخنیوي تخنیکي هیئت د روژې میاشت په ۱۲ نېټه د دوشنبې په ورځ د امام صاحب ولسوالۍ ته ولاړ او څه دپاسه ۴۲۰۰ جریبه ځمکه یې امارتي تثبیت کړه.
تخنیکي هیئت یادې ولسوالۍ ته په سفر سره د حلقه کول ساحې بررسي کړې او ۴۲۵۷ جریبه ځمکه یې امارتي تثبیت کړه.
وړاندې په دغې ساحه کې سترې محکمې د ۸۷۵ جریبه ځمکې موضوع تخنیکي هیئت ته راجع کړې وه چې د هیئت له څېړنو او بررسۍ او د کادستري معلوماتو څخه وروسته څه دپاسه ۴۲۰۰ جریبه ځمکه په ساحه کې امارتي تثبیت شوه.
تخنیکي هیئت د ولسوالۍ سیمه ییزو مسوولینو ته لارښوونه وکړه ترڅو هر ډول تاسیسات جوړولو او د څاګانو له کیندلو څخه په ساحه کې مخنیوی وکړي او د کادستر مسوولین موظف شول ترڅو ساحه د استرداد او د اجارۍ وروکولو په منظور، سکیچ او کروکي کړي.
یاده ځمکه د غاصبانو او افرادو او اشخاصو تر استفادې لاندې ده او هغوی د ځمکې د اجارې اخیستلو له پاره آمادګي اعلام کړه.
