د لوګر ولایت د ځمکو د غصب د مخنیوي تخنیکي هیئت ددغه ولایت د بابوس ساحې له دښتو څخه لیدنه وکړه
د لوګر ولایت د ځمکو د غصب د مخنیوي تخنیکي هیئت ددغه ولایت د مرکز اړوند د بابوس د دښتو له ساحې څخه لیدنه وکړه او د ځمکو د غصب د مخنیوي په برخه کې یو لړ اقدامات ترسره کړل.
تخنیکي هیئت د پل علم ښار اړوند بابوس ساحې ته ولاړ او د شامُکم، ډاک کلا، پروا او میروال دښتو ساحې یې له نږدې څخه ولیدلې.
یادې دښتې د یو شمېر خلکو لخوا په غیر قانوني ډول غصب شوي او په خپلسر ډول کارونه په کې پیل شوي دي. تخنیکي هیئت دغې دښته کې کار او تصرفات د هغې د ځمکو تر تثبیت پورې ودرول او د څا کیندلو په موخه درول شوې برمې یې ویجاړې کړې.
هیئت د یادو سیمو له قومي مشرانو او اوسیدونکو سره وکتل او د امارتي ځمکو د غصب په اړه یې له هغوی سره خبرې وکړې. هیئت هغوی ته لازمې لارښوونې وکړې او له هغوی څخه یې وغوښتل چې د غصب شویو ځمکو په تثبیت کې له هیئت سره همکاري وکړي.
