د هلمند ولایت تخنیکي هیئت په مارجې ولسوالۍ کې د ۶۵۰ جریبه ځمکې له غصب څخه مخنیوی وکړ
د هلمند ولایت د ځمکو د غصب د مخنیوي تخنیکي هیئت د دغه ولایت د مارجې ولسوالۍ له غصب شویو ځمکو څخه لیدنه وکړه او د ځمکو د غصب د مخنیوي په برخه کې یې لازم اقدامات ترسره کړل.
تخنیکي هیئت یادې ولسوالۍ ته په سفر سره ۶۵۰ زره جریبه ځمکه چې د اسلامي امارت له فتحې څخه دمخه ویشل شوې وه، بررسي کړه. د یادې ځمکې ۶۰۰ زره جریبه څړځای دی.
تخنیکي هیئت پر یادې ځمکې د غاصبینو لخوا په خپلسر جوړ شوي تاسیسات او کورونه او برمې ویجاړې کړې او د ځمکو د غصب د مخنیوي په اړه یې هغوی ته لازمې لارښوونې وکړې.
هیئت پر ځايي خلکو ټینګار وکړ چې د اسلامي امارت د مشرتابه مقام د حکم د تطبیق په برخه کې هیچا ته د امارتي ځمکو د غصب اجازه نه ورکوي او ډیر ژر به د ځمکو او عام المنفعه ځايونو د غاصبینو نومولړ ترتیب کړي.
