د پکتیا ولایت د عدليې ریاست اداري ناسته جوړه شوه
د پکتیا ولایت د عدليې ریاست میاشتنۍ اداري ناسته د شعبان میاشت په ۲۸ نېټه د سه شنبې په ورځ د عدليې رئیس مولوي محمد رئیس محمدي په مشرۍ او ددغه ریاست د آمرینو او کارکوونکو په ګډون جوړه شوه.
دغې ناسته کې چې د کلام الله مجید د آیاتونو په تلاوت سره پیل شوه، د عدليې رئیس د موضوع په تړاو خبرې وکړې او د تېرې یوې میاشت د لاسته راوړنو، ستونزو او د راتلونکې میاشت د پلان په اړه یې مفصل معلومات وړاندې کړل.
دغه راز په یاده شوې ناسته کې د موجودو ستونزو له پاره د حل لارو موندلو په اړه بحث وشو او کارکوونکو خپل نظرونه وړاندې کړل. د عدلیې رئیس ډاډ ورکړ چې د کارکوونکو له نظرونو څخه به د کاري ستونوز د حل په برخه کې کار واخلي او ستونزې به حل شي.
په دغې ناسته کې ټینګار وشو چې د اسلامي امارت د مشرتابه د مقام د حکم پر اساس، ټول امارتي کارکوونکي په دعوتونو کې له حاضریدلو څخه منع شوي او د عدليې ریاست کارکوونکي ددغه حکم په رعایتولو مکلف دي.
په یاده شوې ناسته کې خلکو ته د خدمت وړاندې کولو په برخه کې د کارکوونکو ترمنځ پر همغږۍ او د کارکوونکو ترمنځ د ستونزو په شریکولو او حاضرۍ او رسمي وختونو ته په پابندۍ هم ټینګار وشو.
