فراه ولایت کي ۱۴۲۰ جریبه امارتي ځمکه تثبیت شوه
د فراه ولایت د ځمکو د غصب د مخنیوي تخنیکي هیئت ددغه ولایت د مرکز اړوند د بصیر کاریز ساحې ته ولاړ او د غصب شویو ځمکو د تثبیت او استرداد په برخه کې اقدام وکړ.
ددغه سفر په لړ کې تخنیکي هیئت ۱۴۲۰ جریبه امارتي ځمکه تشخیص او تثبیت کړه چې یوه برخه یې د افرادو او اشخاصو او شرعي ذوالید په تصرف کې او یو برخه یې د غاصبانو په تصرف کې ده.
یاده شوې ځمکه له کلنو راهیسې د افرادو او اشخاصو او د غاصبانو په تصرف کې ده او په کې سرپناه، کورونه، بڼونه، کر کیلې او ځینې نور تاسیسات جوړ شوي دي. یاده شوې ځمکه د تخنیکي هیئت لخوا تثبیت او تشخیص شوه او راتلونکي اجراآت به د کمېسیون له لارښوونې سره سم ترسره شي.
تخنیکي هیئت د کمېسیون او تخنیکي هیئت اړوند مقرره او لایحه او د تخنیکي هیئت مسوولیتونه خلکو، افرادو او اشخاصو ته تشریح کړل او هغوی ژمنه وکړه چې نور غاصبانو ته اجازه نه ورکوي ترڅو امارتي ځمکې غصب کړي.
