د کارګرانو اتحاديې له غړو سره د عدليې وزارت د انسجام د لوی رئیس کتنه
د اسلامي امارت د عدليې وزارت د انسجام لوی رئیس مولوي رحمت الله حقاني د ۱۴۴۴ هجري قمري کال د شعبان میاشت په ۸ نېټه د سه شنبې په ورځ د کارګرانو اتحاديې له یو شمېر غړو سره ددغه وزارت په مقر کې وکتل او خبرې ورسره وکړې.
په دغې کتنه کې، د عدليې وزارت د انسجام لوی رئیس د موضوع په اړه خبرې وکړې او ددغې ناستې ګډونکوونکې یې خپل مسوولیتونو او مکلفیتونو ته متوجې کړل. دغه راز نوموړي د اسلامي نظام د ارزښتونو په اړه خبرې وکړې او هغوی یې له اسلامي نظام څخه ملاتړ ته وهڅول. نوموړي وویل چې اسلامي نظام د ملت ټولو حقونو ته ژمن دی او هغه وړ اشخاص چې اسلام، نظام او خپل هېواد ته ژمن وي، د ټولنې چارو مشرتابه کې ګماري.
د انسجام لوی رئیس وویل چې موږ هڅه کوو او خپل مسوولیت او مکلفیت ګڼو چې د اتحادیو ستونزې او ننګونې د شریعت په چوکاټ کې حل کړو.
په یاده ناسته کې د جمعیتونو رئیس مولوي محمد یاسین حقاني د موضوع په اړه خبرې وکړې او یو شپږ کسیزه کمېټه ددغې ناستې د ګډونوکوونکو په برخه اخیستلو سره جوړه شوه. ټاکل شوې چې راتلونکې شنبې هم ددغې کمېټې له غړو سره ناسته جوړه شي.
